السلام عليكــم ورحمـة الله وبركاتــة
تبقى أنت أكيد...أكيد فى إسرائيل....
محاولة مدونة شعرية
لمفكر و كاتب سياسى مصرى
نفسه مصر ترجع و تبقى بصحيح
"أم الدنيا" كلها
لما تلاقى بلد صغيرة فى المساحة محتلة بلاد غيرها أكبر من مساحتها بكتير .....تبقى أنت أكيد...أكيد فى إسرائيل
لما تلاقى بلد كبيرة فى المساحة خدت على أن حد يحتلها ملقتش أحتلت نفسها ...تبقى أنت أكيد...أكيد فى مصر
لما تلاقى سبع جامعات من ضمن أحسن 500 جامعة فى العالم .....تبقى أنت أكيد...أكيد فى إسرائيل
لما تلاقى جامعات كتير متلتله ولا واحدة منهم من ضمن أحسن 500 جامعة فى العالم ...تبقى أنت أكيد...أكيد فى مصر
لما تلاقى واحد يسيب حزبه و يسيب رئاسة الحكومة و بعديها بساعة يكون حزب جديد .....تبقى أنت أكيد...أكيد فى إسرائيل
لما تلاقى أن تكوين حزب محتاج موافقة "الشريف" ...تبقى أنت أكيد...أكيد فى مصر
لما تلاقى التصويت فى برلمانهم إلكترونى .....تبقى أنت أكيد...أكيد فى إسرائيل
لما تلاقى التصويت فى برلمانهم برفع الأيدى من غير عد و الأغلبية موافقة.... تبقى أنت أكيد...أكيد فى مصر
لما تلاقى واحد شرقى و شنبه مغطى نص وشه و قرب يحكم بلده .....تبقى أنت أكيد...أكيد فى إسرائيل
لما تلاقى بلد بتقول "اللى نعرفه أحسن من اللى منعرفوش" ...تبقى أنت أكيد...أكيد فى مصر
لما تلاقى تدوال السلطة بين الأحزاب مش هوه نهاية الدنيا .....تبقى أنت أكيد...أكيد فى إسرائيل
لما تلاقى الناس بتقتل بعضيها فى الشوارع علشان كرسى فى البرلمان ...تبقى أنت أكيد...أكيد فى مصر
لما تلاقى ناس بتحفر تحت قبة الصخرة .....تبقى أنت أكيد...أكيد فى إسرائيل
لما تلاقى ناس بتحفر لبعضيها تحت قبة البرلمان ...تبقى أنت أكيد...أكيد فى مصر
لما تلاقى أن كل السلبيات اللى فاتت أختفت و راحت ...يبقى أنا أضمن...أضمن أن مصر حترجع و تبقى بصحيح زى زمان "أم الدنيا" كلها
تحيا مصر Viva Misr
بلاش تقول Egyptقول Misr
"مصرهى مصرMisr بكل اللغات"